Қазақстан Арменияға бітімгерлер жібермейді

Ұжымдық қауіпсіздік туралы Шарт ұйымы аясында Арменияға бітімгерлерді жөнелту мәселесі қарастырылмаған. Бұл туралы әлемдік және дәстүрлі діндер съезінің аясында премьер-министрдің орынбасары – Сыртқы істер министрі Мұхтар Тілеуберді мәлімдеді.

Қазақстан шекараны демаркациялау және делимитациялау бойынша өз тәжірибесімен бөлісуге дайын екенін мәлімдеді.

– Кеше ҰҚШҰ Ұжымдық Қауіпсіздік Кеңесінде Армения премьер-министрі ҰҚШҰ-ға мүше мемлекеттердің басшыларын Әзербайжан мен Армения арасындағы шекарадағы жағдай туралы хабардар етті. Жалпы ақпарат қабылданды. Әрине, біз объективті ақпарат алғымыз келді, өйткені екі жақтан да әртүрлі ақпарат келеді. Сондықтан мемлекет басшылары ҰҚШҰ Бас хатшысы қақтығыс аумағына барып, кейін мемлекет басшыларын хабардар етуі туралы шешім қабылдады, – деді Тілеуберді.

Сонымен қатар, ол Әзербайжан мен Армения арасындағы шекара белгіленбегенін атап өтті. СІМ басшысының пікірінше, армян-әзірбайжан шекарасын делимитациялау және демаркациялау жөніндегі бірлескен комиссияның жұмысын қайта бастау керек және Қазақстан өз тәжірибесімен бөлісуге дайын.

– Біз өз тәжірибемізбен бөлісуге дайынбыз. Біз шекарамызды құрлық пен тіпті теңіз шекарасының периметрі бойынша белгілегендіктен, демаркация Ресейден басқа барлық мемлекеттермен аяқталды. Ресеймен демаркация үшін 2-3 жыл қажет болуы мүмкін, – деді Тілеуберді.

Фото: ашық дереккөз

• 27
• 30