Қызбен ойнасаң «қыз теке» боласың: Ауыл имамы балаларына тыйым салған

Алматы облысындағы Екіаша ауылында ауыл имамы балаларына қыз баламен ойнауға тыйым салған. Имам балаларына ескерту жасап, бұлай жасау шариғатқа қарсы екенін айтқан.

Ауылдағы жағдайды баяндаған Қарлығаш Еженова ауыл имамы ауылдың рухани жетекшісі екенін айтып, жүздеген адамдар оның уағызын тыңдайтынын жеткізді.

– 10 жастағы жиенім көңіл-күйі болмай отыр екен. Ол көп сөйлемейтін, екінші күні ойындағысын айтты. Ол біздің көшедегі жалғыз қыз, қалғандары бала кезден бірге ойнаған әр түрлі жастағы ұлдар. Жақын күндері ауыл имамы балаларына онымен ойнауға тыйым салыпты. Неге екенін білесіз бе? Себебі шариғат бұған тыйым салады екен. Тіпті қыз баламен ойнағандары үшін «қыз теке» атанады екен. Мұны естіген басқа балалар да онымен ойнауды тоқтатыпты. Бұл жағдай мені таңқалдырды. Имам біздің ауылдың рухани жетекшісі. Ауылда күн сайын той, еске алу және үйлену тойлары өтеді. Жүздеген адамдар уағыздарын құрметпен тыңдап, бұл біздің дәстүрлі құндылықтарымыз деп санайды, – деп жазды Facebook парақшасында Еженова.

Фото: ашық дереккөз

• 47
• 53