Қарашығанақ мұнай-газ кен орны жұмысын уақытша тоқтатады

Қарашығанақта мұнай өндіру уақытша тоқтатылады.

Бұл туралы ҚР Энергетика министрлігінің баспасөз қызметі хабарлады. Ірі мұнай-газ кен орнында жоспарлы күрделі жөндеу жүргізілетін болады.

– 12 қыркүйек пен 6 қазан аралығында кен орнында жоспарлы күрделі жөндеу жүргізу үшін Қарашығанақта мұнай өндіруді тоқтату жоспарланған, – деп жазылған хабарламада.

Қарашығанақ мұнай-газ конденсатты кен орны – Батыс Қазақстан облысының Бөрлі ауданы жерінде, Орал қаласынан шығысқа қарай 150 км жерде орналасқан Қазақстандағы ірі мұнай-газ кен орны. 2013 жылы КПО 136 миллион баррель мұнай эквивалентін өндірді. Кен орны 1979 жылы ашылған. Мұнай қоры 1,2 млрд. тонна, газ қоры 1,35 трлн.текше метрді құрайды.

• 83
• 120