Қазақстанда ұн бағасы қымбаттады

2022 жылғы қаңтар-маусымда дәнді дақылдардан 1,6 миллион тонна ұн өндірілді. Бұл бір жыл бұрынғыға қарағанда 1,5 пайызға артық.

Energyprom.kz сарапшыларының мәліметінше, өңір бойынша ұн өндірісінің ең көп көлемі дәстүрлі түрде Қостанай облысына тиесілі: 552,4 мың тонна. Көшбасшы өңірлердің үштігіне Солтүстік Қазақстан облысы (164,5 мың тонна) және Шымкент (141,5 мың тонна) кірді.

Жалпы, 2021 жылы өндіріс 3 миллион тоннаны құрады – бұл бір жыл бұрынғыға қарағанда 10,3 пайызға аз.

Биылғы жылдың шілде айында ұн бағасы 36,6 пайызға өсті. Бірінші сұрыпты ұнның бір килограмының құны 225 теңгені, жоғары сұрыпты ұнның құны 343 теңгені құрады.

Еліміздің ірі қалаларының ішінде жоғары сұрыпты ұнның ең жоғары бағасы елордада (424 теңге) тіркелді, ең төменгі баға Павлодарда (бір килограмы 222 теңге) байқалды.

Фото: Otyrar.kz

• 37
• 45