Қазақстанда оқу жылы ұзаруы мүмкін

Қазақстандағы оқу жылы екі аптаға ұзаруы мүмкін. Тиісті бұйрық жобасы «Ашық НҚА» порталында жарияланды.

Құжатқа сәйкес бірінші сыныптарда оқу жылының ұзақтығы 35 оқу аптасын, 2-11 (12) сыныптарда 36 оқу аптасын құрайды.

– Қосымша екі оқу аптасын қосу арқылы оқу жылының ұзақтығын арттыру бір күндегі сабақтар санын азайтуға, күрделі тақырыптарды оқу қарқындылығын төмендетуге, білім беру процесін оқыту қағидаттарында ұйымдастыруға мүмкіндік береді, – делінген түсіндірме жазбада.

Оқу жылы ішіндегі каникул кезеңдері:

1-11 (12) – сыныптарда: күзгі каникул – 7 күн (2022 жылғы 31 қазан – 6 қараша аралығында),
қысқы – 9 күн (2022 жылғы 31 желтоқсан мен 2023 жылғы 8 қаңтар аралығында),
көктемгі – 9 күн (2023 жылғы 18-26 наурыз аралығында);
1-сыныптарда: қосымша каникул – 7 күн (2023 жылғы 6-12 ақпан аралығында).

Фото ашық деректерден

• 52
• 49