Қазақстанда сәләфизм мен уаххабизмге тыйым салуды талап еткен петиция жарияланды

Қазақстан бойынша сәләфизм мен уаххабизмге тыйым салуды талап еткен петиция жарияланды. Петиция авторы – Мирас Ермекұлы.

Қазіргі уақытта 2000-нан астам адам қол қойған петиция мәтінінде 2020 жылы Ақтау мен Жаңаөзенде ҰҚК қызметкерлері адам ұрлау фактісі бойынша салафизм діни ағымының бір топ азаматтарын ұстағаны туралы жазылған.

– 2016 жылдың 14 қазанында Орталық коммуникациялар қызметінде өткен брифингте Дін істері және азаматтық қоғам министрі Нұрлан Ермекбаевтың сәләфизмді ұстанушылар өздерінің идеялары мен құндылықтарын ұлттық салт-дәстүрімізден, мәдени және рухани құндылықтарымыздан жоғары қоятынын атап өткенін жазған. Ермекбаев «салафизм – ұйым емес, діни ағым және сенім жүйесі» екенін атап өтті. Бұл ұстанымды Қазақстан мұсылмандары діни басқармасы толық қолдады, – делінген жазбада.

Петиция авторының айтуынша, петицияның мақсаты – діни алауыздықты қоздырмай, қоғамның және Қазақстан Республикасындағы конституциялық құрылыстың қауіпсіздігін қамтамасыз ету.

– Ислам – бейбіт дін. Біз, Қазақстан Республикасының азаматтары Қазақстанда салафизм мен ваххабизмге заң жүзінде тыйым салуды талап етеміз! – делінген жазбада.

Коллаж: sn.kz

• 157
• 47