Қырымды Украинаға қайтару керек – Ердоған

Түркия президенті Режеп Тайып Ердоған «Қырым платформасы» отырысында сөз сөйледі. Ол Қырымды Украинаға қайтаруды қолдайтынын айтты.

– Біз платформаның барлық деңгейдегі күш-жігеріне ықпал етеміз. Қырымды басып алуды заңсыз деп санаймыз. Бұл біздің ұстанымымыз. Халықаралық құқық Қырымды Украинаға қайтаруды талап етеді. Бұл – бүкіл өңір мен әлемдік қауіпсіздік жүйесі үшін аса маңызды, – деп атап өтті Ердоған.

Түркия президенті Қырым қырым татарларының отаны екенін атап өтті.

– Қырым татарлары азап шегіп, өз Отанында бейбіт өмір сүру үшін күресіп жатыр, – деді Ердоған.

tsn.ua мәліметіне сәйкес, Түркия президенті Ресейдің Украинаға қарсы соғысы Украинаның аумақтық тұтастығын сақтаумен аяқталуы керек екенін айтқан.

– Біз бейбітшілік орнатуға күш салуды жалғастырамыз. Мен Украинаның, соның ішінде Қырымның аумақтық тұтастығын қолдайтынымызды тағы бір рет атап өтемін. Қырым бұл – Украина! Ол Украинаның құрамында болуы керек, – деді Ердоған.

Фото: ашық дереккөз

• 48
• 39