1-сынып оқушылары үш тілді бірден оқымайтын болды

Қазақстанда бастауыш сынып оқушыларына мектеп бағдарламасы жеңілдетілді. Енді қазақ сыныптарының бірінші сынып оқушылары тек қазақ тілін, орыс тілінде оқытатын бірінші сынып оқушылары – қазақ және орыс тілдерін оқитын болады.

2-сыныптан бастап қазақ тілінде оқытатын мектептерде орыс тілін оқыту басталады. Ағылшын тілі барлық мектептерде 3-сыныптан бастап оқытылатын болады.

Айта кетейік, бұрын қазақ, орыс және ағылшын тілдері бірінші сыныптан бастап міндетті болатын.

– Мемлекеттік тілде оқытатын бірінші сыныптардан бастап балалар тек қазақ тілін, екінші сыныптан бастап орыс тілін оқыту жеке пән ретінде басталады. Ал барлық мектептерде үшінші сыныптан бастап ағылшын тілін оқытылады. Бұл ретте балаларды еңбекке баулу мақсатында бірінші сыныптан бастап еңбекке баулу, бейнелеу өнері енгізіледі, – деді Асхат Аймағамбетов 16 тамызда өткен үкімет отырысында.

Фото: voxpopuli.kz

• 50
• 36