АҚШ тарихында алғаш рет экс-президентке қылмыстық іс қозғалды

АҚШ-тың бұрынғы президенті Дональд Трамп қамауға алынды, деп хабарлайды Exclusive.kz CNN телеарнасына сілтеме жасап.

Экс-президенттен саусақ іздерін алады. Кейін оны сот залына апарып, Трамп сот алдында жауап береді.

Айта кетейік, Трамп АҚШ тарихындағы қылмыстық іс қозғалған алғашқы экс-президент болды. Ол порножұлдыз Сторми Дэниэлске пара берді деген күдікке ілінді.

Бұрынғы президент кепіл арқылы босатылып, Флоридадағы Мар-а-Лаго резиденциясына оралады деп күтілуде. Дональд Трамп сол жерде үндеу жасауды жоспарлап отыр.

Фото: ашық дереккөз