Қанат Таймерденов жаңа қызметке тағайындалды

Ішкі істер министрлігінің баспасөз қызметі Алматы қаласы полиция департаментінің бұрынғы бастығы Қанат Таймерденов жаңа қызметке тағайындалғанын хабарлады.

– Қазақстан Республикасы Ішкі істер министрінің бұйрығымен полиция генерал-майоры Қанат Даниярұлы Таймерденов Қазақстан Республикасы ІІМ экстремизмге қарсы іс-қимыл департаментінің бастығы болып тағайындалды. Департамент бастығы лауазымдық нұсқаулыққа сәйкес функционалдық міндеттерін орындайды, – деп хабарлады ІІМ баспасөз қызметі.

ІІМ ақпаратына сәйкес, экстремизмге қарсы іс-қимыл департаменті экстремизм мен терроризмге қарсы іс-қимыл саласындағы функцияларды ұйымдастыратын министрліктің құрылымдық бөлімшесі.

Айта кетейік, Қанат Таймерденов Алматы полициясын 2020 жылдың қаңтарынан 2022 жылдың 25 маусымына дейін басқарды.

Фото ашық деректерден