Қарағандыда уланған балалардың жағдайы ауыр – Денсаулық сақтау министрі

Қарағандыда уланып ауруханаға түскен 14 баланың алтауы жансақтау бөлімінде жатыр. Денсаулық сақтау министрі Ажар Ғиният 4 баланың жағдайы жақсарғанын, 2 баланың жағдайы өте ауыр екенін айтты, деп хабарлайды Exclusive.kz.

Министр балалардың неден уланғаны белгісіз екенін айтты. Алдын ала тексеру нәтижесі бойынша балалар тамақтан уланбаған.

Еске салайық, 30 шілде күні Қарағанды облысының балаларға арнаулы әлеуметтік қызмет көрсету орталығында бірнеше бала уланып, оның біреуі қайтыс болды.

Бас прокуратура уәкілетті мемлекеттік органдар мен аумақтық прокурорларға елде осындай мекемелерге кешенді тексерулер ұйымдастыруды тапсырды.

Фото: ҚР ДСМ