Қазақстан Италиямен бірлесіп макарон өндірісін ұлғайтады

Қазақстан мен Италия макарон өндірісін ұлғайтуды жоспарлап отыр. Ауыл шаруашылығы министрі Айдарбек Сапаров «Bonifiche Ferraresi» агрохолдингінің бас директоры Федерико Веккионимен кездесті, деп хабарлайды Exclusive.kz тілшісі.

Тараптар ынтымақтастық туралы Меморандумға қол қойды. Қазақстанда 40 кәсіпорын макарон өндіреді.

– 2022 жылы Қазақстанда 15,6 млн тонна жұмсақ бидай және 833 мың тонна қатты бидай өндірілді. Оның 400 мың тоннасы Италияға ғана экспортталады, бұл макарон өндірісінің көлемін ұлғайтуға, оның ішінде экспортты кеңейту мақсатында жеткілікті, – деп атап өтті Ауыл шаруашылығы министрі Айдарбек Сапаров.