Қазақстанның 6 облысында ауа райының қолайсыздығына байланысты жолдар жабылды

«Қазавтожол» ауа райының қолайсыздығына байланысты еліміздің 6 облысында жолдар жабылғанын мәлімдеді, деп хабарлайды Exclusive.kz тілшісі.

Қазіргі уақытта 6 облыста республикалық маңызы бар автожолдардың 15 учаскесінде көлік қозғалысына шектеу енгізілген.

Ақмола облысы-5 учаске; Жамбыл облысы — 1 учаске; Жетісу облысы — 1 учаске; Қарағанды облысы – 6 учаске; Павлодар облысы — 1 учаске; Ұлытау облысы-1 учаске.

– Шектеу автокөліктің барлық түрлеріне қатысты. Қазіргі уақытта Республикалық маңызы бар автожолдарда 252 бірлік техника мен 429 адам жұмылдырылды, – деп жазылған хабарламада.

Фото: ашық дереккөз