Ерлан Тұрғымбаев тергеуге шақырылды

Бұрынғы Ішкі істер министрі, кейін президент кеңесшісі қызметін атқарған Ерлан Тұрғымбаев қаңтар оқиғасына қатысты тергеуге куәгер ретінде шақырылды.

Бұл туралы Бас прокуратура «Интерфакс-Қазақстан» агенттігінің сауалына берген жауабында мәлімдеді.

– Бұрынғы ішкі істер министрі Ерлан Тұрғымбаевтан Бас прокуратураның ведомствоаралық тергеу-жедел тобы тергеп жатқан қылмыстық іс бойынша куәгер ретінде жауап алды, – деп жазылған ресми жауапта.

Ведомство тергеу мүддесіне сай басқа ақпарат жариялауға жатпайтыны хабарланған.

Айта кетейік бұған дейін Бас прокуратура қаңтар оқиғасы кезінде қаза тапқандардың тізімін жариялаған еді.

Фото: Турар Казангапов

• 34
• 34