Полиция қызметкерлері 1 қаңтардан бастап жаңа форма киеді

Полиция қызметкерлері 2022 жылдың 1 қаңтарынан бастап жаңа форма киеді. Ішкі істер министрі Ерлан Тұрғымбаев жаңа форманы таныстырды.

Бұл туралы exclusive.kz хабарлайды.

– Біз форманы биыл күзде бекіттік. Әрине, олар бір күнде тігілмейді, сондықтан біз конкурстық құжаттамаға сәйкес мемлекеттік сатып алулар арқылы 2022 жылдың 1 қаңтарына дейін тігіліп, дайын болады деп болжаймыз. Сол күннен бастап көптеген өңірлерде патрульдік қызметкерлер жаңа формада жұмысқа кіріседі, – деді Тұрғымбаев.

Министр жаңа формамен бірінші кезекте патрульдік полиция қызметкерлері мен учаскелік инспекторлар қамтамасыз етілетінін мәлім етті.

– Қосымша қаражат талап етпейміз. Ескі форма әлі бар, жаңа форма бірте-бірте бөлінеді. Екі жылдың ішінде біз бүкіл Ішкі істер министрлігінің формасын өзгертеміз, – деді ол.

Фото: Турар Казангапов

• 52
• 39