Талибандар Ауғанстанда әскери шеру өткізді

«Талибан» қозғалысының өкілдері (Жоғарғы соттың шешіміне сәйкес Қазақстанда тыйым салынған) Ауғанстанда әскери шеру өткізді.

Бұл туралы exclusive.kz хабарлайды.

Тәліптер Ауғанстанның аумағы жағынан екінші үлкен қаласы Кандагарда жаңа армия құру үшін ауған және халықаралық күштердің бұрынғы көліктері мен тікұшақтарын қолдана отырып әскери шеру өткізді.

Әскери көліктер әуежайды қала орталығымен байланыстыратын Кандагардың негізгі тас жолымен жүріп өтті. Сондай-ақ, діни әуендер қосып алғаны да айтылды.

Қазіргі уақытта Талибандар әскери бөлімдерді қайта құрумен айналысып жатыр. Осылайша, бұрын «Аттал» деп аталған Кандагардағы армия корпусы арабша «Аль-Бадар» атауын алды.

• 32
• 34