Әлемде 84 миллион адам босқын болуға мәжбүр — БҰҰ

БҰҰ Босқындар істері жөніндегі Жоғарғы комиссиясының басқармасы (UNHCR) мәжбүрлі қоныс аударушылар санының ұлғаю үрдісі байқалатынын айтты.

Бұл туралы exclusive.kz хабарлайды.

БҰҰ бағалауы бойынша, 2020 жылдың аяғынан 2021 жылдың маусымына дейін босқындардың жалпы саны 82,4 миллионнан 84 миллионға дейін өсті. Оның ішінде 51 миллион мәжбүрлі қоныс аударушылардың көпшілігі — Конго мен Эфиопияның өкілдері. Сонымен қатар, Мьянма мен Ауғанстандағы жағдай адамдардың босқын болуына ықпал еткен.

— Халықаралық қауымдастық адамдарды үйлерінен кетуге мәжбүр ететін зорлық — зомбылықтың, қудалаудың және адам құқықтарының бұзылуының алдын ала алмайды, — деді Филиппо Гранди.

Оның айтуынша, климаттың өзгеруінің салдары босқындардың уақытша тұратын көптеген аудандарындағы жағдайды ушықтырады.

Жалпы, соңғы жылы босқындардың көпшілігі бес елден келген: Орталық Африка — 71,8 мың, Оңтүстік Судан — 61,7 мың, Сирия — 38,8 мың, Ауғанстан — 25,2 мың және Нигерия-20,3 мың.

Тағы 12 миллионнан астам адам баспана туралы өтініштері әлі қаралып жатқан және азаматтығы жоқ адамдар. БҰҰ осы жылы 126,7 мың босқын үйлеріне оралғанын атап өтті.

Бұған дейін БҰҰ әлемдегі қақтығыстарға байланысты 48 миллион адам босқын мәртебесіне ие екенін жеткізген. Бұл рекордтық тарихи көрсеткіш.

• 37
• 40