Өзбекстан салт-дәстүрін насихаттаудың жаңа әдісіне көшті

Өзбекстан Мәдениет министрлігі қызметкерлеріне төбетей киюге бұйрық берді. Бұл туралы ведомство басшысы Озодбек Назарбеков мәлімдеді. Бұл ұлттық құндылықтар мен дәстүрлерді насихаттау мақсатында жасалған.

– Әр халықта ұлттық әдет-ғұрып, салт-дәстүр, құндылықтарға құрмет болатыны тарихтан белгілі. Атап айтсақ, халқымыздың бас киім, беқасам шапан, жібек белбеу сынды ұлттық киімдері бүгінде де құндылығын жойған жоқ. Осы құндылықтарды ұстанып, ұлттық салт-дәстүрді дәріптейтін жаңа бастаманы қолға алдық. Қазір Мәдениет министрлігінің қызметкерлері жұмыс орнында өзбектің ұлттық бас киімі болып табылатын бас киімді киіп жүр, – деді ол.

Назарбеков барлық сала өкілдерін, шығармашылық адамдарын, патриоттарды қарамағындағылардан үлгі алуға шақырды. Бұл шара елдің Конституциясы күніне орайластырылды.

• 44
• 37