Тоқаев өлім жазасынан бас тарту туралы Заңға қол қойды

Президент Қасым-Жомарт Тоқаев өлім жазасынан бас тарту мәселелері бойынша түзетулерге қол қойды.

— Мемлекет басшысы «Қазақстан Республикасының кейбір заңнамалық актілеріне өлім жазасын жою мәселесі бойынша өзгерістер мен толықтырулар енгізу туралы» Қазақстан Республикасының Заңына қол қойды», — делінген Ақордадағы хабарламада.

2003 жылдан бастап Қазақстанда өлім жазасына мораторий енгізілген, содан бері елде өлім жазасының бірде-біреуі тіркелмеген.

2 қаңтарда президент Қасым-Жомарт Тоқаев «өлім жазасын жоюға бағытталған Азаматтық және саяси құқықтар туралы халықаралық пактіге екінші Факультативтік хаттаманы ратификациялау туралы»Заңға қол қойды. Осылайша, Қазақстан өлім жазасынан толығымен бас тартты.

• 30
• 29