Семейде «Нұр Отанның» екі депутаты партиядан шығатынын айтты

Қаңтардың 24-і күні Семей қалалық мәслихатының екі депутаты Айдос Қисаменов пен Дулат Қажмұханбет «Нұр Отан» партиясынан шығатынын және «басшылыққа сенімнің жоғалуына» байланысты депутаттық өкілеттіктерін тоқтатқанын мәлімдеді.

Айдос Қисаменов «Семейдегі депутаттық экранның артында партия филиалында да, депутаттық корпуста да жалған жұмыс жүріп жатқанын» айтқан.

— «Нұр Отан» партиясының облыстық басшылығы болып табылатын қала басшылығына да, облыс басшылығына да өзіндік көзқарасы бар ойшыл, тәуелсіз мәслихат депутаттарының керегі жоқ. Бізге облыс әкімі Даниал Ахметовтің пәрменіне мойынсұнғыштар керек, – деді Қажмұханбет.

Нұротандық экс-депутаттар әлеуметтік желіге өз мәлімдемелерін шамамен бір уақытта жариялады.

«Темір-Транс» жүк вагондарын жөндеу кәсіпорнының директоры Дулат Қажмұханбет 2020 жылы қалалық мәслихаттың депутаты болды.

«Semey Mall» сауда орталығының иесі Айдос Қисаменов та 2020 жылы Семей қалалық мәслихатының депутаты болды. Бұған дейін ол Семейдегі сәулет ескерткіштерінің біріне қатысты жанжалға қатысқан.

Фото: Максим Морозов

• 115
• 94