Сағынтаев қаңтар оқиғасы кезінде қалай әрекет еткенін айтты

Алматы қаласының әкімі Бақытжан Сағынтаев Арманжан Байтасовқа берген сұхбатында отставкаға кету туралы петицияға қатысты пікірін айтты.

— Мен сын болатынын түсіндім, бірақ басқа мәселелерді шешуге, қауіпсіздік мәселелерімен айналысуға тура келді. Бірақ ол кезде мен өз образымды ойлаған жоқпын. Сын менің имиджіме әсер етеді деп ойламадым — бұл менің жұмысым. Мен де адаммын. Жұмысты жалғастыруым керек. Қалай болғанда да, кез келген сын пайда береді, — деді Сағынтаев.

Сондай-ақ ол мегаполис орталығында тәртіпсіздіктер орын алған күндері не істегенін егжей-тегжейлі айтып берді.

— Оқиғалар басталып, күш алған кезде мен не болып жатқанын және не істеу керектігін түсіндім. Бізде қорғаныс күштері болған жоқ, оларды жеткізу үшін Қорғаныс министрлігімен, Ішкі істер министрімен келіссөздер қажет болды. Қолымнан келгеннің бәрін жасап, қаланы қорғауға қосымша күш әкелмесем, мұнда неге отырмын? Мен қаланың тыныс-тіршілігін қамтамасыз ету жауапкершілігін түсіндім, — деді әкім.

Сонымен қатар, ҰҚШҰ әскерлерін енгізу тақырыбы да қозғалды. Бақытжан Сағынтаев бітімгерлер стратегиялық нысандарды, оның ішінде жылу электр орталығын, «Қазақтелекомның» техникасын, «Ақсай нан» зауыты мен «Алматы су» кәсіпорнын күзетіп отырғанын айтты.

• 113
• 95