«ҚазМұнайГаз» компаниясына жаңа басшы тағайындалды

«Самұрық-Қазына» АҚ басқармасының шешімімен Құрманғазы Орынғазыұлы Есқазиев «ҚазМұнайГаз» ҰК АҚ басқарма төрағасының міндетін атқарушы болып тағайындалды. Алик Айдарбаевтың Басқарма төрағасы ретіндегі өкілеттігі берген өтініші бойынша мерзімінен бұрын тоқтатылды. Бұл туралы компанияның баспасөз қызметі хабарлады.

Құрманғазы Орынғазыұлы Есқазиев В.И.Ленин атындағы Қазақ политехникалық институтының мұнай факультетін геолог-тау-кен инженері мамандығы бойынша бітірді. 2006 жылы Томск политехникалық университетінде диссертация қорғап, «геология-минералогия ғылымдарының кандидаты» біліктілік дәрежесіне ие болған.

Сондай-ақ, 2021 жылы И.М.Губкин атындағы Ресей мемлекеттік мұнай және газ университетінде диссертация қорғап, «геология-минералогия ғылымдарының докторы» ғылыми дәрежесіне қол жеткізді.

Еңбек жолын 1985 жылы «Эмбанефть» өндірістік бірлестігінде оператор-коллектор болып бастаған.

Фото ашық деректерден

• 104
• 104