Мемлекеттік қаражаттың тиімді игерілуіне қатысты бақылау күшейеді

Мемлекеттік қаражаттың тиімді игерілуі бойынша бақылау күшейеді, деп хабарлайды Exclusive.kz тілшісі.

Бүгін Үкіметте ҚР Премьер-Министрі Әлихан Смайыловтың төрағалығымен кеңес өтіп, АӨК-те қайта өңделген өнімдердің үлесін арттыру мәселелері қаралды.

Үкіметтің баспасөз қызметінің мәліметі бойынша, алдағы жылдары ет, бидай, сүт және басқа да шикізатты өңдеу жобаларына басымдық беріледі.

– Премьер-Министр мемлекет әрі қарай да ауыл шаруашылығын дамытуға кешенді қолдау көрсететінін атап өтті. Бұл ретте негізгі мақсаттардың қатарында сапалы азық-түлік өндірісін ұлғайту және жаңа жұмыс орындарын құру шаралары бар, – деп жазылған хабарламада.

Сондай-ақ Әлихан Смайылов мемлекеттік қаражаттың тиімді игерілуіне бақылауды күшейтуді талап етті.

Фото: ашық дереккөз