Ресейде мобилицазия тоқтап, әскерге шақыру науқаны басталды

Ресейдің Қорғаныс министрлігі мобилизация тоқтатылғанын мәлімдеді.

Министрлік мәліметіне сәйкес, 31 қазаннан бастап әскери комиссариаттар қалыпты жұмысына оралады.

– Ресей қарулы күштері қатарын толықтыру бойынша әскери комиссариаттардың әрі қарайғы жұмысы келісімшарт бойынша әскерге барғысы келетіндерді қабылдау жөнінде болады, – деп жазылған ресми хабарламада.

Бүгін, 1 қараша күні Ресейде мерзімді әскер қызметке шақыру науқаны басталады.
Биыл әскерге шақыру ішінара жұмылдыру шараларына байланысты 1 қарашаға ауыстырылған.

Биыл 120 мың сарбаз әскери дайындықтан өтеді. Бұл өткен жылдың сәйкес кезеңімен салыстырғанда 7,5 мыңға аз. Шақыру желтоқсан айының соңына дейін жалғасады.

Фото: DW