Риддерде төтенше жағдай режимі жарияланды

Шығыс Қазақстан облысындағы Риддер қаласында өңірлік ауқымдағы төтенше жағдай режимі жарияланды. Бұл туралы облыс әкімі Даниал Ахметов мәлімдеді, деп хабарлайды Exclusive.kz.

Даниал Ахметов, қаланың жылу электр орталығының жұмысында кемшіліктер барын және жаңа RNGK компаниясының иесі қаңтардан бастап ешқандай жұмыс жүргізбегенін айтты.

– Өткен кезеңде үш миллиард теңгеден астам берешек қалыптасты, мазут, көмір, электр энергиясын жеткізуде олқылықтар болды. Сонымен қатар қараша айынан бастап шұғыл жөндеу және қалпына келтіру жұмыстарын жүргізген компанияларға еңбекақы төлеуде әлі кешіктірулер бар, – деді әкім.

Фото: ашық дереккөз