Украинаға Еуроодақ мүшелігіне кандидат статусы берілді

Бейсенбі күні Брюссельде өткен саммитте Еуропалық Одақ басшылары Украина мен Молдоваға ЕО-ға мүшелігіне кандидат мәртебесін беру туралы шешім қабылдады.

– Еуропалық Кеңес Украина мен Молдова үшін ЕО-ға кандидат мәртебесін беруге шешім қабылдады. Тарихи сәт. Бүгін ЕО жолында шешуші қадам. Владимир Зеленский мен Сандуды және Украина мен Молдова халқын құттықтаймын. Біздің болашағымыз бірге, – деп жазды Еуропалық Кеңестің президенті Шарль Мишель Twitter-де.

Шешім 17 маусымда Еуропалық комиссияның ұсынысы негізінде мақұлданды.

– Бүгін Еуропа үшін сәтті күн. Украина президенті Владимир Зеленскийді, Молдова президенті Сандуды және Грузия премьер-министрі Ираклий Гарибашвилиді құттықтаймын. Сіздің елдеріңіз біздің еуропалық отбасымыздың бөлігі болып табылады. Бұл көшбасшылардың бүгінгі тарихи шешімін растайды, – деді Еурокомиссия президенті Урсула фон дер Ляйен.

Бельгия премьер-министрі Александр де Круа толыққанды мүшелікке жету жолы ұзақ болатынын айтты.

– Украина халқы біздің ортақ құндылықтарымыз үшін күресіп жатыр деп сенемін. Оны осындай символдық қадамдармен қолдау маңызды. Бірақ біздің одаққа қосылу процесі көп уақыт алатынын түсіну керек. Украиндықтар көптеген өзгерістер жасауы керек. Олар бірден бірнеше мәселені шешетін болады, – деді саясаткер.

• 48
• 50