Қызылордада білім беру саласының қызметкерлері сотталды

Қызылорда облысы, Жаңақорған аудандық соты «Жаңақорған ауданының білім бөлімі» ММ басшысы Б. Ибрагимовқа, бас бухгалтері К. Аязбаеваға және 24 мектептің бухгалтерлеріне қатысты үкім шығарды, деп хабарлайды Exclusive.kz тілшісі Антикордың баспасөз қызметіне сілтеме жасап.

– Олар жалпы сомасы 1 млрд теңгеден аса ірі мөлшерде бюджет қаражатын жымқырғаны үшін кінәлі деп танылды. Сот үкімімен мекеменің басшысына және бас бухгалтеріне 8 жыл бас бостандығынан айыру, мектеп бухгалтерлерінің біріне – асырауында жас баласының болуына байланысты 5 жыл мерзімге жазасын кейінге қалдыра отырып, 7 жыл бас бостандығынан айыру жазасы тағайындалды, – деп жазылған хабарламада.

Сондай-ақ сотталғандар мемлекеттік қызметте және өзге де ұйымдарда қызмет атқару құқығынан өмір бойы айырылды. Үкім заңды күшіне енген жоқ.

Сыбайлас жемқорлыққа қарсы іс-қимыл агенттігі хабарлағандай, Түркістан, Жетісу, Алматы, Қызылорда, Ақтөбе облыстары мен Алматы қаласында анықталған.

Фото: ашық дереккөз