«Қажылыққа баруды шектеу керек». ҚМДБ-ның жаңа нұсқауы қызу талқыға түсті

ҚМДБ-ның Нұр-Сұлтан, Алматы, Шымкент қалалары мен облыстардағы бас имамдарға жолдаған нұсқаулығы қазақстандықтар арасында талқыланып жатыр.

— Құрметті бас имам! 2021 жылдың тамыз айынан бастап әлемде жұқпалы індеттің қаупі сейіліп, күллі мұсылман қауымы асыға күткен ұмраға бара бастады. САК Денсаутәрлық сақтау министрлігі талап еткен екпелер елімізге енді жетті. Ал, оны салдырған азаматтардың ұмраға бару мүмкінді уақыт жағынан келер жылдың қаңтар айынан басталады. Пандемиялық ахуалдан кейін жағдай бірте-бірте тұрақталып, ұмраға бару мүмкіншіліктері күн санап көбеюде. Алайда ұмра талаптарын орындамаған кейбіреулер ұмраға апарушылардың ұсынған түрлі айла-тәсілдерін қолданып, өз денсаулықтарына қауіп төндіріп шетел асуда. Осы уақыт аралығында ҚМДБ төрағасына, Бас мүфти атына ұмраға баруға сұранған бірталай өтініштер келіп түсуде. Қиын кезде елді сабырлы болуға үндеп, төзімділікке тәрбиелеген дін қызметкерлінің дін талабын орындау белігілі болмайынша, өтініштердің қанағаттандырылмайтындығын ескертеміз. Осыған орай, ұмраға сұранып өтініш жазған дін қызметкерлері мәтінге баратын қажылық компаниясының атауын көрсетіп, вакцина паспортын тіркеп өтінішті қайта жазуын тапсырамыз. Сонымен қатар, ҚМДБ қарасты барлық қызметкерлер қажылық пен ұмра сапарына тек қана діни басқарманың «Tawaf travel» компаниясымен бару қажеттігін қаперге саламыз. Дін қызметкерлерінің ортақ абыройын сақтау мақсатында кейбір қажылық компаниялардың ҚМДБ талаптарын орындамайтынын негізге алып, өзге компанияны таңдау мүмкіндігінде ҚМДБ қажылық бөлімімен кеңесуді ескертеміз, — делінген Ғ. Мажиев қол қойған хатта.

Осы хатқа байланысты WhatsApp желісінде жазба тарады.

— Сауд Арабиясы сəлəфилік діни доктринасын əлемге қалай насихаттайды? Оның бірнеше бағыттары бар,соның ішінде ең маңызды – приоритеттісі қажылық. Біріншіден қажылық – туризм, ол экономикалық аспект, екіншіден миссионерлік бағыт.Қазіргі таңда еліміздің тұтастығы мен тыныштығына қауіп төндіріп отырған сəлəфи-уахабилік бағыттағы саяси-діни идеология екені ешкімге жасырын емес. жаһандану дəуірінде сəлəфилік Һәм деструктивті ағымдарға төтеп беретін тек зайырлық принциптерге негізделген ашық қоғам мен либералдық демократия жүйесі деп есептеймін. Бұл жазбаға түрткі болған ҚМДБ, яғни ресми мүфтияттың өңірлердегі имамдарға берілген бұйрық түріндегі мына нұсқауы. Нарықтағы бәсекеден қорқып,хадж туризмді жекешелендіріп алған мүфтияттың аталмыш бұйрығымен танысыңыздар, — делінген желіде таралған жазбада.

• 101
• 95