Жамбыл облысында қытайлық компанияның жұмысшылары ереуілге шықты

Жамбыл облысында салынып жатқан Меркі-Бурылбайтал магистралінде жұмысшылар ереуілге шықты. Олар жалақыны көтеруді және еңбек жағдайларын жақсартуды талап етеді.

Atameken Business мәліметінше, ереуілшілер үш жыл бойы шетелдік қытай компаниясы оларға ең төменгі жалақы төлеп келгеніп айтқан. 80-нен астам жұмысшы Қазақстан президентіне көмек сұрап жүгінді, басшылық олардың барлық талаптарын орындағанша жұмысқа шығудан бас тартты.

— Қытайлық компанияда біз жалдамалы жұмысшылармыз. Екі айдан бері біз мұндай жағдайларға төзе алмаймыз деп айтып келдік. Бізге «ұнамаса — кете беріңдер» деді. Бұл жерде арнайы киім де жоқ, — деді жұмысшы Мергенбай Дабылов.

Жол учаскесінің құрылысы бойынша нысанда 200-ге жуық жергілікті тұрғын жұмысқа орналастырылды. Жалақы 60 мың теңгеден басталады және 120 мыңнан аспайды. Жұмысшылардың айтуынша, 10 сағаттық жұмыс күні үшін бұл аз жалақы.

Қытай компаниясының басшылығы жобаның өзі тиімсіз деп мәлімдеді. Барлық есептеулер 2017 жылғы бағалау бойынша жасалған.

— 2017 жылдан бастап құрылыс материалдарының бағасы айтарлықтай өсті. Осы себепті біз жалақыны көтере алмаймыз, — деді Цюань компаниясының бас инженері.

Фото: inbusiness.kz

• 115
• 98