Әйгілі актер Путинге үндеу жасады

Атақты француз актері Пьер Ришар Ресей президенті Владимир Путинге Украинадағы жағдайға қатысты бейне хабарлама жолдады. Украинаның Ішкі істер министрінің кеңесшісі Антон Геращенко өзінің YouTube арнасында бейне хабарлама жариялады.

— Президент мырза, мен Ресейді жақсы білемін, мен оның халқын жақсы білемін. Мен Украинаны да, оның халқын да жақсы білемін. Мені Ресей армиясының Украинаға басып кіргені қынжылтады. Бұл жаппай кісі өліміне әкелген соғыс. Тіпті варваризм деп айтар едім, сондықтан мен әйелдерді, балаларды және бейбіт тұрғындарды өлтіруді ақтайтын ештеңе жоқ екеніне сенімдімін. Бұл өте қорқынышты, — деді 87 жастағы актер.

Ришар күн сайын Украинадан келген жаңалықтарды қадағалап отыратынын және қираған қалалар мен қаза тапқан адамдардың суреттері жанын қинайтынын айтты.

Фото: Reuters

• 102
• 85