Премьер-министрдің орынбасары — Қаржы министрі Ерұлан Жамаубаев Қазақстанда референдум өткізуге 16,4 миллиард теңге бөлу жоспарланғанын айтты, хабарлайды Exclusive.kz.

— Референдум өткізуге республикалық бюджеттен 16 миллиард 460 миллион теңге бөлінеді. Орталық сайлау комиссиясы тарапынан тиісті есептер ұсынылды. Бүгін Үкімет тиісті қаулы қабылдады. Ақша республикалық бюджеттен бөлінетін болады, — деді Жамаубаев.

Қазақстан халқы Ассамблеясының сессиясында сөйлеген сөзінде Президент Қасым-Жомарт Тоқаев Қазақстанда Конституцияға түзетулер жобасы бойынша референдум өткізуді ұсынды. Мемлекет басшысы Конституцияда іргелі сипатқа ие және елдің саяси жүйесін түбегейлі өзгертетін өзгерістерге бастама жасалғанын атап өтті.

Фото ашық деректерден

• 109
• 119